Hamabost herrialdetako sukaldariak izango dira sutondoan: Bolivia, Kaxmir, Marokoko bi talde, Mexiko, Nigeria, Peru, Sahara, Senegal eta hindu eta herriko pertsonek osatutako talde misto bat. Horrez gain, Errenteria-Oreretako elkarteek ere parte hartuko dute: Bukagaitz, gaztetxea, Mikelazulo, Txintxarri eta CGT.

Azpiegituraren kargu udala egin da, eta plaza osoan zehar jarriko dituzte suak janaria prestatzeko. Euria eginez gero, gainera, haima moduko karpak jarriko dituzte. Epaimahaia ere izango da, eta Cornelio eta Otorduko bi kidek erabakiko dute zein izan den platerik goxoena.

Ekimen horrek bi zutabe dituela jakinarazi du Koldo Gorostidi antolatzaileetako batek. Hogei pertsonako talde bat dabil horren atzean. Hain zuzen, azken urteetan herrian etorkinekin izandako tirabirak izan dira horretara bultzatu duten faktoreetako bat, eta horri buelta emateko erabaki dute bizikidetza bultzatuko duen jarduera bat aurrera eramatea.

Bigarren arrazoia, berriz, Europatik —Txekiar Errepublikatik, zehazki— sortu den iniziatiba bat da. Arrazakeria eta xenofobiari aurre egitea du helburu, eta etorkinak herritarren etxeetara bazkaltzera gonbidatzea da horren asmoa. Azaroaren 18an egingo dute, eta etziko ekimena giroa berotzen joateko aitzakia dela azaldu du Gorostidik.
Bilboko San Frantziskotik

Euskal Herriko beste zenbait txokotan ere egin dute Munduko Arrozak ekimena. Lehenengotarikoa Bilboko San Frantzisko  izan zen. Mahai baten inguruan sortzen den “giro positiboa” izan zen abiapuntua.

A saileko haurrek bi dantza egin beharko dituzte, Alpargata eta agurra, eta B saileko haurrek, berriz, desafioa eta zortzikoa. Epaimahaia izango dute aurrez aurre, hiru kidek osatutakoa: Xabier Mendizabal Euskal Dantzarien Biltzarreko presidentea eta Nagore Indakoetxea eta Iñigo Oiarbide dantzariak.

Bukaeran, sariak banatuko dituzte, eta bi kategorietako dantzari onenei txapela eta gerrikoaz gain, Landare elkartearen saria emango diete. Horrez gain, ligaxkako garaileak ere sarituko dituzte —A mailan Aitor Lasa hernaniarra eta B mailan Aimar Odriozola ibartarra—, eta baita ligaxka horretan toki onenean geratu den herritarra ere, kasu horretan, Beñat Salegi.

Parte hartuko duten haurrak abendutik hasi eta apirilera arte egindako ligaxkan hoberen sailkatutakoak dira. Txapelketaren hastapenean, bi egunetakoa izaten zen lehia: lehenengoan aukeraketa bat egiten zuten, eta bigarrengoan, berriz, hamar onenen artean jokatzen zuten finala, Juantxo Maia Landare elkarteko kideak azaldu duenez.

Parte hartzaile asko zirela eta horrek antolakuntzari ezartzen zizkion trabak kontuan hartuta, Gipuzkoako Euskal Dantzarien Biltzarrarekin jarri ziren harremanetan, eta Gipuzkoan zehar ligaxka bat egitea erabaki zuten, eta gero finalak Errenteria-Oreretan egitea.

Horrenbestez, Errenteria-Oreretako finala jokatu aurretik Gipuzkoako zein Nafarroako hainbat herritatik pasatu dira etzi taularatuko diren dantzariak: Legazpi, Oiartzun, Beasain, Altsasu, Villabona eta Ibarra.

1986an antolatu zuen Landarek lehen aldiz Haur Mailako Aurresku Txapelketa. Abiapuntua izan zen Pasaian jokatzen den Euskal Herriko Aurresku Txapelketatik beherako mailarik ez zegoela, eta horrenbestez, Gipuzkoako txapelketa antolatzen hastea erabaki zuten. Landarek hainbat ekimen antolatzen ditu,  baina hori da zaharrenetako bat.

Soka dantza
Aurresku Txapelketaz gain, beste ekitaldi bat ere antolatu dute etzirako: goizean Ereintza dantza taldeko neskek soka dantza egingo dute. Hamabi dantzarik desfilea egingo dute dantza eskolatik hasi eta Zumardiraino. 12:30erako iristea espero dute.

Egitaraua

• 12:30. Soka dantza Zumardira iritsiko da.
• 18:00. Haur Mailako Aurresku Txapelketa, kulturgunean.

Parte hartzaileek kartela eta egindako lanaren argazkia duen CD-a aurkeztu beharko dute udaletxeko erregistro orokorrean hilaren 28ko ordubiak baino lehen.

Lehiaketaren oinarriak, udalean, kulturgunean eta udalaren zein gazte informazio bulegoaren webgunean kontsulta daitezkeela jakinarazi dute antolatzaileek. Epaimahaia, berriz, ekainaren 4an bilduko da aurkeztutako lan guztien artean, aurtengo Madalen jaiak iragarriko dituen kartela aukeratzeko. Sari bakarra emango du epaimahaiak, eta lehiaketaren irabazleak 1.050 euro jasoko ditu.

Jai batzordearen bilera bihar
Aurtengo Madalenak antolatzeko jai batzordearen bigarren bilera bihar egingo dute, 17:30ean, Xenpelar Etxean.
Bilera “irekia” dela zehaztu du Irune Balentziaga Kultura zinegotziak, “antolakuntza ahalik eta partehartzaileena izateko. Horregatik, gure herriko jaiak antolatzeko interesa duten herritar guztiak deituta daude”.

Biharko bileran parte hartzen duten herritarrek proposamen zehatzak eraman beharko dituztela azaldu du Balentziagak, bestetik, “proposamen horiek bildu eta guztien artean aztertzeko”, gaineratu du.  Jai batzordearen azken bilkuraren data ere jakinarazi du: maiatzaren 25ean egingo dute 17:30etik aurrera, Xenpelar Etxean bertan.

Lehenengo taldeari dagokionez, Legorretako Bilkoin taldearen kontra jokatuko du bihar. Neurketa zaila izan daiteke, sailkapenean lider bukatu baitute zarauztarrek, eta errenteriarrek, berriz, laugarren.

Bigarrenari dagokionez, Zarautz izango du aurrez aurre. Etzikoa ere ez da lehia erraza izango, puntuetan berdinduta bukatu baitute bi taldeek liga.

Bi partiduak etxetik kanpo jokatuko dituzte errenteriarrek. Zentzu horretan, Jorge Domingo Bigarren Mailako taldearen entrenatzaileak iritzi dio desabantaila bat dela. Horregatik autobusak antolatu dituzte irteera horietarako. Plazak mugatuak direnez, izena eman behar da tokia gordetzeko 646 21 64 80 telefono zenbakira deituta edo gamonkirolelkartea[a bildua]gmail.com helbidera idatzita.

Ezin dute igoera lortu
Asteburuko finalaurrekoa irabazita, finala izango da hurrengo urratsa, eta datorren asteburuan jokatuko dituzte bi taldeek herrian. Aurrerago joango dira gehiago zehazten.

Finalak irabazi arren, ezingo dute mailaz igo, Lehenengo Mailan ere baduelako Gamonek ordezkari bat. Gazte Mailako taldeak, berriz, ezin du igoeragatik borrokatu ligako lehen bi taldeek eskuratu baitute dagoeneko. Hala ere, Gamongo bi talde ez dira inoiz play off-etarako sailkatu, eta  ligako titulua ere lor dezakete.

Horrez gain, datorren urtean Haur, Kadete eta Gazte mailan jokatzeko deialdia zabaldu du Gamon Kirol Elkarteak.

Iztietako Gurekinek SOS Arrazakeria jarri du ekimen horren atzean, eta auzoan integrazio edo elkarbizitza arazorik ez dela izan azaldu du, eta “SOS Arrazakeria eta horren jarraitzaileak” izan direla hori asmatu dutenak. Auzoan egiten dituzten ekintza guztiak “irekiak” direla arrazoitu du Gurekinek.

Horrez gain, salatu du larunbateko ekimenaren berri behin hori lotuta egon denean jakin dutela: “Ez dugu ulertzen SOS Arrazakeriak gu erasotu, iraindu eta kalumniatu ondoren, bat-batean gure auzoko plazara etortzea, aurretik hitz egin gabe, barkamenik eskatu gabe eta asmoen azalpenik eman gabe”.

Ekimen hori, gainera, “ibiltaria” dela esan du, eta horrenbestez, ez duela herritarren arteko integrazioa lortzen, “baizik eta pertsona batzuk egun batez beren idiosinkrasia ezberdina erakustera joaten dira”.

Oiartzunen ere antzeko pintaketak egin dituzte.

Mozioa ekarpenetara irekia badago ere, nondik norakoak zehaztuta dituztela azaldu du Ferradasek: “Oinarrizkoena, Udalak sinistun eta ez sinistunen arteko berdintasuna bermatu behar duela da”. Horren barruan, Udalak egun ez dituen ongietorri eta agur ekitaldi zibilak egiteko azpiegiturak eta bitartekoak jartzea proposatzen du mozioak. Amaitzeko, udal korporazioak modu ofizialean erlijio kutsua duten ekimenetan parte ez duela hartu behar jasotzen dute gobernu taldea osatzen duten bi alderdiek.

Garrantzitsuena, herritarren artean gaiaren gaineko eztabaida piztea dela gaineratu dute Ferradas eta Diezek, “eta mozioa, horretarako oinarria izan daiteke”.

Lehenengo urrats garrantzitsua Benicassimen lortu zuen iaz, sailkatzeko eskatzen duten denbora minimoa egin baitzuen. Bigarren eta azken pausoa, berriz, Saranken eman du, Espainiako Selekzioko bigarren geratu baita, Londreserako sailkatuz. 4.03,15 egin du, 33.en iritsiz.

Hirugarren aldiz parte hartuko du ibilketari errenteriarrak Olinpiar Jokoetan. EAT Errenteriako Atletismo Taldeak zoriondu egin du.