ESK sindikatuak antolatuta, hilaren 29rako deitutako greba orokorraren eta hura bultzatu duten arrazoien gainean mintzatuko da Igor Mera, gaur, Mikelazulo elkartean. ESK sindikatutik elite ekonomiko eta politikoen diskurtsoei “protagonismoa kentzera” deitu dituzte hiritarrak.
Lan erreforma, langile askoren “izerdi eta sufrimenduarekin” urteetan lortu dituzten eskubideekiko “eraso larria” dela esanda, osasungintza, hezkuntza publikoa eta gizarte babeserako esparruetan ematen ari diren murrizketak salatu ditu ESK-k.
Antolatzaileek 19:30ean hasiko den hitzaldian parte hartzera deitu dituzte herritar guztiak.
