Asteburuan jokatutako partidetan txanponaren bi aurpegiak erakutsi dituzte herriko pilotariek. Haur Mailan EPLEko bi bikoteek irabazi egin dute. Eneko Muñozek eta Ander Mariñelarena 18-13 gailendu zitzaien Hondarribiko bikoteari, eta Adur Zubizarretak eta Ahetze Arzallusek 18-6 irabazi zioten Lezoko bikoteari.
Helduetan, berriz, Eneko Arzadunek eta Jon Romerok galdu egin zuten. Arzadunek 12-22 galdu zuen Hernaniko Iñigo Urkizuren kontra, eta Romero, berriz, erraz gailendu zuen Igeldoko Aratz Urruzmendik: 4-22.
EPLEtik jakinarazi duenez, aurten Herri Arteko Txapelketan ariko da Errenteriako taldea bi modalitatetan: esku pilotan eta palan.
