Joxemari Carrere ipuin kontalari errenteriarra Extremaduran eta Madrilen dabil aste honetan haur, gazte zein helduentzako ipuinak kontatzen.
Hala, Logrosan, Alburquerque eta Villar del Rey herrietan (Extremadura, Espainia) hiru ikus entzule motei zuzendutako ipuinak kontatuko ditu: gazteentzat Gertatzen direnak leienda urbanoetan oinarritutako emanaldia, haurrentzat Munduko ipuinik txarrenak, okerrago kontatuak eta helduentzat Maitasunaren Arbola-Ipuin pre-erotikoak.
Larunbatean, berriz, Madrilen geratuko da, eta Libertad 8 ostatu ezagunean Maitasunaren arbola aurkeztuko du.
